PETRUS Montaureonus

PETRUS Montaureonus

Parisiensis, Mathematicus et Poeta, Bibliothecarius Regius, ingens Aristotelis admirator, auctor Commentarii in Euclidis librum X. ob religionem cum periclitaretur, Sancerram se contulit, ibi prae maerore mortuns, A. C. 1570. an, ut aliis, fervente civilibus bellis Galliâ interfectus. Bibliotheca eius insignis et numerosa, Auctoribus inprimis Mathematicis Graecis refertissima, quos is plerosque Notis illustraverat, bienniô post mortem eius Aureliani direpta ac dissipata est. Mich. Hospitalius Galliae Cancellarius sic de ipso,

Musae, vester honos, et gentis gloria nostrae,

Concessit fatis patriâ Montaureus exul etc.

Cuius poematum editorem Pibracum erasisse hunc versum,

Exul ob assertum verae pietatis honorem,

discimus ex libro, cui titul. Thuana. Vide Voss. de scient. Mathemat. p. 335. Thuanum Histor. l. 52. Teissier Elog. Part. I.